مش كل شهور الحمل كانت صعبة .. شهور معينة اللي بتبقي صعبة يعني اول شهر محستش بيه
التاني و التالت و الرابع صعبين شوية يعني فيهم الشعور بالقيء و القرف من كل حاجة ريحة الاكل و ريحة البني أدمين ريحة التلاجة.. كنت بتقرف من الشارع..مش بحب اشوف ناس كتير لان كنت بتقرف.. شوية شوية بقيت اتقرف حتي من نفسي
لكن لما خلص الرابع كله ده تقريبا معدش موجود بالدرجة دي لكن فضل القرف من ريحة البصل و اللحمة لما تتطبخ و الزبادي.. صحيح مكنتش بستمتع بالاكل زي زمان لانه طعمه غريب بس علي الاقل مش بتقرف منه
الحر كانت مشكلة كبيرة جدا لاي واحدة بتعدي عليها شهور الصيف و هي في الشهور اللي بعد السادس لان النونو بيبدأ يكبر و بيضغط علي الحجاب الحاجز و يقلل المساحة اللي بتمدد فيها الرئتين و بالتالي علطول شعور بالخنقة خصوصا بالليل..ده غير احساس الحموضةاللي بيزود الخنقة
الدكتورة نصحتني اني اكل علطول لبان لان افرازات الفم بتبقي قلوية فده بينزل المعدة يقلل الحموضة شوية و برغم المقاطعة كنت بشرب سفن اب لانه كان بيقلل الحموضة شوية (كان عدنان و هو جاي من الصلا كان بيجبلي معاه سفن و لبان كتير ):) و طبعا كنت بخلصهم كلهم و لما راحت الحموضه بقي يجيب و يخلصهم هو):
No comments:
Post a Comment