النونو هيكمل سبعة شهور بكرة ان شاء الله
في خلال الشهر السابع بدأت احس انه بدأ اجتماعي.. وليه رأي وكمان بدأ يفهم و يقلد و يستجيب للارتباطات الشرطية-ده علي اساس ان المصطلح ده صح
بدأ يحب القعده مع الناس بياكل اكتر لما بياكل مع الكبار بيحب الناس تكون جنبه
لما كان حد يشيله و حد تاني يقوله تعال مكانش بيروحله لكن لما دلوقتي بقي ييجي لاي حد يمد ايديه بس بشرط يكون واقف
بيهزر معانا بانه بيغمض عينيه و يمثل انه بيعيط-بيبقي شكله جميل اوي
وديان صحبتي جابتله عربية فيها ست اصوات حيوانات بس ما رتبطتش غير بصوت الديك كان بيبقي فرحان اوي لدرجه انه بيهز راسه يمين و شمال.. وارتبطت معاه الحركتين لو اقعد اكاكي يضحك و يهز راسه يمين و شمال
هز راسه يمين و شمال بيدل انه سعيد لكنه متعلموش في خلال الشهر ده.. الحقيقة انها بدأت من شهرين لما بالصدفه لقيته بيحرك راسه يمين و شمال قمت انا هزيت راسي يمين و شمال..ضحك و عاد الحركة قمت انا عدتها..ضحك و بدأت كل شوية افكره بيها مرة يحرك راسه و مرة لا.. لغاية شوية شوية بدأ يفهمها و بقت علامه انه سعيد
خلال الشهر السابع اتعلم يقعد من غير مسند وراه و من غير ما يفقد توازنه.. و بيتحرك لقدام و يرجع تاني لوضعه ويلتفت يمين و شمال يجيب لعبه
*****
كل شهر و انت طيب يا نونو
No comments:
Post a Comment